金獎嘅得獎者係你啦!上黎啦!

就喺無幾耐之前,我哋以公司名義「Key Points Exchange」參加左一個由香港零售科技商會所舉辦嘅「Retail Innovation Award 2020」比賽,喺呢個比賽入面有超過一百間公司作為我哋嘅競爭對手而且每一間公司嘅實力都有返咁上下,當然!我哋KPEX成個班底都係行雷出世,就算面對任何挑戰都唔會怕,正所謂「怯你就輸一世」! 經過咗多個月嘅篩選,我哋KPEX 終於喺2020年11月5日從主辦單位手上面接過「Retail Innovation Award 2020」嘅金獎!喺要上台果刻有諗過會唔會做咗關家姐,不過再聽真啲發覺真係叫緊我哋!證明咗我哋一班痴線佬所做嘅野都得到一個肯定。同時我哋咁多位會繼續努力將成果發揚光大! https://www.linkedin.com/posts/cyberport-hong-kong_cyberport-rtia-mediconcen-activity-6731435924674224128-Tzxw https://www.retailasiaexpo.com/zh/hong-kong-retail-technology-industry-association-rtia-seminar/

2020年11月13日 12:46

閱讀全文

突發!超實用積分轉換平台發現!

平時消費都會儲儲埋埋唔少嘅會員積分,但係又有幾多人真正知道自己既積分原來可以換到咁多嘢嘅呢?全新推出嘅KeyPoints積分轉換平台就係為咗令大家對積分呢兩個字有另一個睇法而建立,講到呢個位可能大家都有少少興趣但係又唔清楚點用,放心!繼續睇落去就知有幾巴閉啦!1. 建立帳戶 + 登入首先要用KeyPoints積分轉換平台嘅服務需要經過簡單步驟同身份驗證建立帳戶。2. 選擇服務嚟到呢個位就到左KeyPoints發揮嘅時候啦,KeyPoints主要有三大功能包括(check分,轉分,換禮品)可能你會諗明明積分轉換都已經唔係新鮮事,點解我會講到咁誇張呢。細心嘅你應該會發現透過KeyPoints積分轉換平台轉換積分嘅時候係無限制用戶一定要轉返去同一個商戶入面嫁。換言之只要你有需要,就可以將積分轉換到去任何一個KeyPoints合作夥伴。(留意返:用戶必須係轉出同轉入商戶嘅會員先得嫁)3. 合拼積分功能KeyPoints呢個創新積分轉換平台當然功能上都會有創新同大膽嘅一步啦。積分合拼呢個功能可以話係大大提高左使用者既靈活度,正所謂有得揀先至係老闆。從今開始用幾多分,點樣組合,由您話事!4. 使用方法只要登入KeyPoints積分轉換平台就可以去到使用者版面,喺呢到大家可以見到以上我向大家介紹過嘅功能,如果想一次過check晒有幾多分其實好簡單,只要喺主畫面到登入所有已成為會員嘅機構就可以一次過show晒啲分出黎嫁啦!至於積分轉換方面都一樣係好簡單就做到:選擇想轉出同轉入嘅商戶 (轉出嘅積分可以多過一間商戶)選擇要轉換嘅積分咁就得左嫁啦,不過都要留意有部分合作夥伴未能提供即時確認服務 (確認信可以喺個人email/帳戶查閱)傳送門:www.kpex.asia

2020年10月09日 14:03